ახალი გულ-სისხლძარღვთა ტექნოლოგიები მრავალი ქართველი პაციენტის სიცოცხლეს გადაარჩენს
14 ნოემბერი, 2014
ახალი გულ-სისხლძარღვთა ტექნოლოგიები მრავალი ქართველი პაციენტის სიცოცხლეს გადაარჩენს
2014 წლის 14–15 ნოემბერს, თბილისში გულის უეცარი გაჩერების პრევენციისადმი თანამედროვე მიდგომებისა და გულის ქრონიკული უკმარისობის მკურნალობის თემაზე პირველი საერთაშორისო საგანმანათლებლო კონფერენცია და მასტერ–კლასი გაიმათა. ღონისძიება ევროპისა და საქართველოს გულის რიტმის ასოციაციებისა და სამედიცინო ტექნოლოგიების სფეროში მსოფლიო ლიდერი ორგანიზაცია მედტრონიკის (Medtronic) ორგანიზებითა და მხარდაჭერით ჩატარდა.
კონფერენციის ფარგლებში საქართველოს გულის რიტმის ასოციაციის პრეზიდენტმა გიორგი პაპიაშვილმა, მედიცინის მეცნიერებათა დოქტორმა რობერტ ჰატალამ სლოვაკეთიდან და ჩეხმა პროფესორმა იოზეფ კაუცნერმა გულის უეცარი გაჩერების წინააღმდეგ ბრძოლის უახლესი მიღწევები წარმოადგინეს. პრეზენტაციაზე ასევე წარმოდგენილი იყო დასავლური ქვეყნების გამოცდილება და გულის უეცარი გაჩერების პრევენციის ყველაზე თანამედროვე მეთოდები.
გულ–სისხლძარღვთა დაავადებები სიკვდილიანობის ძირითად მიზეზს წამოადგენს მსოფლიოში. ყოველწლიურად გულ–სისხლძარღვთა დაავადებებით: ინფარქტით და ინსულტით დაახლოებით 17 მილიონი ადამიანი იღუპება. მსოფლიო ჯანდაცვის ორგანიზაციის მონაცემებით, საქართველოში სიკვდილიანობის გამომწვევი მიზეზების 69%-ს სწორედ გულ–სისხლძარღვთა დაავადებები წარმოადგენს.
საქართველოს კარდიოლოგთა საზოგადოების პრეზიდენტის ალექსანდრე ალადაშვილის განცხადებით საქართველო იმ ქვეყნების სიაშია, სადაც გულ–სისხლძარღვთა დაავადებები, მათ შორის კი არითმია, გარდაცვალების ძირითადი მიზეზია, ხოლო გულ–სისხლძარღვთა დაავადებით უფრო მეტი ადამიანი იღუპება, ვიდრე ყველა სხვა დაავადებით.
„ჩვენ მოხარულები ვართ საქართველოსა და ევროპის გულის რიტმის ასოციაციისა და მსოფლიოში წამყვანი სამედიცინო ტექნიკის მწარმოებელი კომპანიის მჭიდრო თანამშრომლობით. მივესალმებით ადგილობრივი ექიმებისთვის ტრენინგებისა და განათლების ხელშეწყობას. ჩვენ გვჯერა, რომ თანამედროვე მკურნალობის მეთოდები დაეხმარება საქართველოს ამ პრობლემასთან ბრძოლაში და რაც მთავარია, რაც შეიძლება მეტი სისოცხლის გადარჩენა გახდება შესაძლებელი”.
საქართველოს გულის რიტმის ასოციაციის პრეზიდენტმა გიორგი პაპიაშვილმა ყურადღება გაამახვილა ღონისძიების საერთო მნიშვნელობაზე, რომელმაც ქართველ ექიმებს დეტალურად გააცნო გულის უეცარი გაჩერების პრევენციისა და გულის ქრონიკულ უკმარისობასთან ბრძოლის თანამდროვე მკურნალობის მეთოდები. შეხვედრაზე ბატონმა გიორგიმ აღნიშნა: “საქართველოში მოღვაწე გულ–სისხლძარღვთა სპეციალისტები მიესალმებიან თანამედროვე ტექნოლოგიების უფრო ფართოდ შემოტანასა და დამკვიდრებას, ექიმებისთვის ტრენინგების ხელმისაწვდომობას მთელი ქვეყნის მასშტაბით, რაც თავისთავად უდიდეს როლს შეასრულებს პაციენტების სიცოცხლის შენარჩუნებაში”.
საერთაშორისო კონფერენციის ფარგლებში, საქართველოდან და დასავლეთ ევროპის ქვეყნებიდან მოწვეულმა ექსპერტებმა პლენარული საგანმანათლებლო სესიები და მასტერ–კლასები გამართეს. ქართველმა ექიმებმა და სპეციალისტებმა სრული ინფორმაცია მიიღეს ახალი ტექნოლოგიების შესახებ, გაეცნენ გულის რესინქრონიზაციული თერაპიის და ექოკარდიოგრაფიის საერთაშორისო პრაქტიკას და ევროპის გულის რიტმის ასოციაციის მიერ ადაპიტირებული მკურნალობის მეთოდებს. სასტუმრო რედისონში გამართულ მასტერ–კლასებსა და სესიებს უძღვებოდნენ ექიმები, მედიცინის დოქტორები და პროფესორები აშშ–დან, სლოვაკეთიდან, ყაზახეთიდან, რუსეთიდან, ჩეხეთის რესპუბლიკიდან, ხორვატიიდან, შვეიცარიიდან და გერმანიიდან.
ორდღიანი ღონისძიების ფარგლებში, ქართველ ექიმებსა და უცხოელ კოლეგებს საშუალება ჰქონდათ, გაცნობოდნენ გულის ქრონიკული უკმარისობის მკურნალობის თანამედროვე მეთოდებს. კონფერენციის ფარგლებში ასევე გაიმართა დისკუსია გულ–სისხლძარღვთა დაავადებების გლობალური ტენდეციების შესახებ, გულ–სისხლძარღვთა დაავადებების გავლენასა და არსებულ გამოწვევებზე საქართველოში. დისკუსიაზე ასევე განიხილეს ეროვნული ჯანდაცვის სისტემის გაძლიერების შესაძლებლობაც. საუბრის ერთ-ერთ თემას ასევე წარმოადგენდა ქვეყანაში თანამედროვე ტექნოლოგიების, მკურნალობის თეორიასა და პრაქტიკის ხელმისაწვდომობის გაზრდის გზები, რათა შედეგად მრავალ პაციენტს შეუნარჩუნდეს და გაუხანგრძლივდეს სიცოცხლე.
საქართველოს გულის რიტმის ასოციაციის (GEHRA) შესახებ
საქართველოს გულის რიტმის ასოციაცია 2011 წელს დაარსდა. მასში გაწევრინებულები არიან გულის რიტმის დარღვევების სფეროში მოღვაწე ქართველი სპეციალისტები. ასოციაციის მიზანია საზოგადოებას მიაწოდოს ინფორმაცია გულის რიტმის დარღვევების შესახებ. საქართველოში დამკვიდრდეს არითმიის მქონე პაციენტების მკურნალობის თანამედროვე მიდგომები და სტანდარტები. გაუმჯობესდეს პროფესიული კომუნიკაცია ამ სფეროში მოღვაწე ქართველ სპეციალისტებს შორის.
ევროპის გულის რიტმის ასოციაციის (EHRA) შესახებ
ევროპის გულის რიტმის ასოციაცია (EHRA) წარმოადგენს ევროპის კარდიოლოგიის ასოციაციის ფილიალს, რომელიც 2004 წლის სექტემბერში საფრანგეთში დაფუძნდა. ასოციაციის მიზანია გააუმჯობესოს ევრპელი მოსახელობის სიცოცხლის ხარისხი ინფარქტების შემცირებისა და გულით გამოწვეული უეცარი სიკვდილიანობის შემცირების ხარჯზე.
Medtronic–ის შესახებ
კომპანია Medtronic, Inc. (სათაო ოფისი მდებარეობს მინეაპოლისში) (www.medtronic.com) – არის სამედიცინო ტექნოლოგიების მწარმოებელი ლიდერი კომპანია მსოფლიო მაშტაბით. კომპანიის მიერ წარმოებული ტექნოლოგიები ემსახურება მილიონობით პაციენტს ტკივილის შემსუბუქების, ჯანმრთელობის აღდგენისა და სიცოცხლის გახანგრძლივების მიზნით.
თბილისი, სასტუმრო რადისონ ბლუ ივერია, მე-5 საკონფერენციო დარბაზი
რეკლამა
ბოლო სიახლეები
ᲜᲝᲠᲛᲝᲚᲘᲞᲘ - ᲑᲣᲜᲔᲑᲠᲘᲕᲘ ᲐᲠᲩᲔᲕᲐᲜᲘ ᲓᲘᲡᲚᲘᲞᲘᲓᲔᲛᲘᲘᲡ ᲛᲐᲠᲗᲕᲐᲨᲘ
პირველი ნაციონალური კონგრესი ‘’ონკოლოგიასა და მოლეკულურ დიაგნოსტიკაში“
ფარმაცევტული კომპანია " Avita" ს ორგანიზებით ჩატარდა კონფერენცია გინეკოლოგებისთვის
კომპანია Avita-ს ორგანიზებით თბილისში ჩატარდა კონფერენცია ნევროლოგიურ თემებზე
ასგლუკანის როლი მორეციდივე რესპირაციული ინფექციების მართვაში