ჩეხეთის რესპუბლიკის ჯანდაცვის მინისტრის მოადგილის ვიზიტი საქართველოში
28 მაისი, 2021
ჩეხეთის რესპუბლიკის ჯანდაცვის მინისტრის მოადგილის ვიზიტი საქართველოში
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე თამარ გაბუნია ჩეხეთის რესპუბლიკის ჯანდაცვის მინისტრის მოადგილეს რადეკ პოლიცარის შეხვდა.
შეხვედრის მონაწილეებმა ჯანდაცვის სფეროში სამომავლო თანამშრომლობის საკითხებზე, სამედიცინო ტექნოლოგიების განვითარებასა და დანერგვაზე ისაუბრეს. განიხილეს პირველადი ჯანდაცვისა და ადამიანური რესურსების გადამზადების საკითხიც.
თამარ გაბუნიამ ჩეხეთის რესპუბლიკის ჯანდაცვის მინისტრს დეტალურად მიაწოდა ინფორმაცია იმუნიზაციის პროცესის მიმდინარეობასთან დაკავშირებით.
რადეკ პოლიცარიმ , ჯანდაცვის მინისტრის მოადგილე, გიორგი წოწკოლაურთან ერთად აკადემიკოს ნ. ყიფშიძის სახელობის საუნივერსიტეტო კლინიკაც დაათვალიერა.
ჩეხეთის რესპუბლიკის ჯანდაცვის მინისტრის მოადგილის საქართველოში ვიზიტი სამედიცინო ბიზნეს მისიასთანაა დაკავშირებული. ვიზიტის ფარგლებში 12-მა ჩეხურმა სამედიცინო პროდუქციის მწარმოებელმა კომპანიამ საქართველოში როგორც საჯარო, ასევე კერძო სექტორის წარმომადგენლებს საკუთარი პროდუქცია გააცნო.
ბოლო სიახლეები
რეგიონებში სამედიცინო ინფრასტრუქტურის განვითარება გრძელდება - ჯანდაცვის მინისტრი, ფოთსა და სენაკში, კლინიკების რეაბილიტაციის პროცესს გაეცნო
მიხეილ სარჯველაძემ, სამედიცინო სექტორის წარმომადგენლებთან ერთად, სისხლისა და მისი კომპონენტების შესახებ კანონი და დაგეგმილი ცვლილებები განიხილა
პირველადი ჯანდაცვის ხელმისაწვდომობა კიდევ უფრო იზრდება - სოფლებში ახალი ამბულატორიები იხსნება
ნარკომანიით დაავადებული პირებისთვის სავალდებულო მკურნალობისთვის განკუთვნილი პირველი სამედიცინო განყოფილება გაიხსნა
მიხეილ სარჯველაძე - ფსიქოტროპული მედიკამენტების იმპორტი-რეალიზაციისა და და ჩანაცვლებითი თერაპიის შესახებ