ინტრაოპერაციული რადიოთერაპია ინტრაბიმის აპარატით
07 აპრილი, 2017
ინტრაოპერაციული რადიოთერაპია ინტრაბიმის აპარატით - ონკოლოგიური დაავადებების მკურნალობის ინოვაციური მეთოდია, რომლის შესახებ დღეს კონფერენცია სასტუმრო „ბილთმორში“ გაიმართა. ღონისძიებას შრომის, ჯანმრთელობისა და სოციალური დაცვის მინისტრის მოადგილე ვალერი კვარაცხელია დაესწრო.
ონკოლოგიური დაავადებების მკურნალობის მთავარ მეთოდს ქირურგიულ ჩარევასთან ერთად დისტანციური სხივური თერაპია წარმოადგენს, როგორც წინაოპერაციულ, ისე ოპერაციის შემდგომ პერიოდში და მასთან ერთად ქიმიოთერაპია.
ინტრაბიმი (INTRABEAM) არის იდეალური ინოვაციური სისტემა ინტრაოპერაციული რადიოთერაპიისათვის. ინტრაბიმის აპარატში გამოიყენება რენტგენული სპექტრის დაბალენერგიული ფოტონური სხივები, ანადგურებს მხოლოდ სიმსივნურ უჯრედებს და არ აზიანებს ჯანმრთელ ქსოვილს.
ონკოლოგიური დაავადებების ინტრაოპერაციული რადიოთერაპიით მკურნალობა მსოფლიოს მრავალ წამყვან კლინიკაშია აპრობირებული, მათ შორის საქართველოში. უკვე მეორე კლინიკაში (ინოვაში) ინტრაოპერაციუოლი რადიოთერაპიის აპარატი - ინტრაბიმი დაიდგა. ქართველ პაციენტებს აღარ მოუწევთ საზღვარგარეთ გამგზავრება. ჯანდაცვის სამინისტროს მხარდაჭერით, საყოველთაო ჯანდაცვის პროგრამის ფარგლებში ქართველ პაციენტებს ეძლევათ საშუალება საკმაოდ ძვირი პროცედურა დაფინანსებით ჩაიტარონ.
კონფერენციის ორგანიზატორი მაღალი ტექნოლოგიების იმპორტიორი საერთაშორისო კომპანია მედიცინისა და მეცნიერების დარგში „ოპტეკ ჰოლდინგი“ იყო.
ღონისძიებას წამყვანი კლინიკების ხელმძღვანელები, ონკოლოგები, ნეიროქირურგები, რადიოლოგები და უცხოელი სტუმრები ესწრებოდნენ.
ბოლო სიახლეები
რეგიონებში სამედიცინო ინფრასტრუქტურის განვითარება გრძელდება - ჯანდაცვის მინისტრი, ფოთსა და სენაკში, კლინიკების რეაბილიტაციის პროცესს გაეცნო
მიხეილ სარჯველაძემ, სამედიცინო სექტორის წარმომადგენლებთან ერთად, სისხლისა და მისი კომპონენტების შესახებ კანონი და დაგეგმილი ცვლილებები განიხილა
პირველადი ჯანდაცვის ხელმისაწვდომობა კიდევ უფრო იზრდება - სოფლებში ახალი ამბულატორიები იხსნება
ნარკომანიით დაავადებული პირებისთვის სავალდებულო მკურნალობისთვის განკუთვნილი პირველი სამედიცინო განყოფილება გაიხსნა
მიხეილ სარჯველაძე - ფსიქოტროპული მედიკამენტების იმპორტი-რეალიზაციისა და და ჩანაცვლებითი თერაპიის შესახებ