სამედიცინო განათლების 100 წელი საქართველოში
20 სექტემბერი, 2018
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე, ზაზა ბოხუა საქართველოში სამედიცინო განათლების 100 წლის იუბილესადმი მიძღვნილ კონფერენციაზე სიტყვით გამოვიდა. მან ყურადღება საქართველოში სამედიცინო განათლების მიმართულებით პრიორიტეტებსა და გამოწვევებზე გაამახვილა.
„სამედიცინო განათლების 100 წელი საქართველოში" - ამ სახელწოდებით თბილისის სახელმწიფო სამედიცინო უნივერსიტეტში გამართული კონფერენცია სამედიცინო განათლების აქტუალურ საკითხებს - XXI საუკუნის ექიმის მომზადებას და ამისთვის აუცილებელი კომპეტენციების შეძენას, დიპლომამდელი, დიპლომისშემდგომი მზადებისა და უწყვეტი პროფესიული განვითარების გლობალურ და ეროვნულ სტანდარტებს, მედიცინის ახალი დარგობრივი მახასიათებლის მოთხოვნებს მიეძღვნა.
კონფერენციაზე ევროპის სამედიცინო განათლების ასოციაციის (Association for Medical Education in Europe -AMEE) პრეზიდენტი, ლიდსის უნივერსიტეტის სამედიცინო განათლების ინსტიტუტის დირექტორი, პროფესორი ტრუდი რობერტსი მოხსენებით წარსდგა თემაზე: "როგორ მოვამზადოთ 21-ე საუკუნის ექიმები". პროფესორი ტრუდი რობერტსი თბილისის სახელმწიფო უნივერსიტეტის დიდი ხნის პარტნიორია - მისი კოორდინაციით 2011-2014 წლებში უნივერსიტეტში განხორციელდა ევროკიმისიის მიერ დაფინანსებული ტემპუსის პროექტი "დიპლომამდელი სამედიცინო განათლების მოდერნიზაცია ევროკავშირის აღმოსავლეთ სამეზობლო ქვეყნებში". ამ პერიოდში მისი ხელშეწყობით უნივერსიტეტში დაარსდა აკადემიური განვითარების ცენტრი, სადაც სამედიცინო განათლების მეთოდოლოგიაში ტრენინგს გადიან უმაღლესი სამედიცინო სასწავლებლების პროფესორ-მასწავლებლები. 2017 წელს თბილისის სახელმწიფო სამედიცინო უნივერსიტეტის აკადემიურმა საბჭომ პროფესორ ტრუდი რობერტს მიანიჭა საპატიო დოქტორის წოდება.
კონფერენციაში ასევე მონაწილეობდა თსსუ-ის მედიცინის ისტორიის დეპარტამენტის ხელმძღვანელი, პროფესორი რამაზ შენგელია, სამედიცინო განათლების, კვლევის და სტრატეგიული განვითარების დეპარტამენტის ხელმძღვანელი, პროფესორი გაიანე სიმონია, თსსუ-ის მედიცინის ფაკულტეტის დეკანი, პროფესორი თინათინ ჩიქოვანი, თსსუ-ის კლინიკური უნარებისა და მულტიდისციპლინური სიმულაციის ცენტრის დირექტორი, პროფესორი ირმა მანჯავიძე და თსსუ-ის საოჯახო მედიცინის დეპარტამენტის ხელმძღვანელი, პროფესორი გივი ჯავაშვილი.
მოხსენებების დასრულების შემდეგ გაიმართა დისკუსია
ბოლო სიახლეები
რეგიონებში სამედიცინო ინფრასტრუქტურის განვითარება გრძელდება - ჯანდაცვის მინისტრი, ფოთსა და სენაკში, კლინიკების რეაბილიტაციის პროცესს გაეცნო
მიხეილ სარჯველაძემ, სამედიცინო სექტორის წარმომადგენლებთან ერთად, სისხლისა და მისი კომპონენტების შესახებ კანონი და დაგეგმილი ცვლილებები განიხილა
პირველადი ჯანდაცვის ხელმისაწვდომობა კიდევ უფრო იზრდება - სოფლებში ახალი ამბულატორიები იხსნება
ნარკომანიით დაავადებული პირებისთვის სავალდებულო მკურნალობისთვის განკუთვნილი პირველი სამედიცინო განყოფილება გაიხსნა
მიხეილ სარჯველაძე - ფსიქოტროპული მედიკამენტების იმპორტი-რეალიზაციისა და და ჩანაცვლებითი თერაპიის შესახებ