ზურაბ აზარაშვილი DRG-ზე
20 თებერვალი, 2023
სხვადასხვა სამედიცინო ჩარევის მიხედვით, 609 DRG კოდი გენერირდება და ამ ტარიფებში კლინიკების ნებისმიერი დამატებითი მომსახურებაც ასახულია“, - ამის შესახებ ზურაბ აზარაშვილმა პარლამენტში, ჯანდაცვის კომიტეტის წევრებთან შეხვედრაზე განაცხადა.
ზურაბ აზარაშვილის განცხადებით, DRG, მსოფლიოს განვითარებულ ქვეყნებში, დაფინანსების ფართოდ აპრობირებული მოდელია, რომლითაც ავტომატურად გამოითვლება ის სამართლიანი ფასი, რასაც სამინისტრო, მოქალაქეების ხარისხიანი მკურნალობისთვის გადაიხდის.
„გასული წლის პირველი ნოემბრიდან, საყოველთაო ჯანდაცვაში ჩართული კლინიკებისთვის ახალი გადახდის სისტემა დავნერგეთ. ეს სისტემა მსოფლიოში კარგად აპრობირებულია. სისტემის მიხედვით, კონკრეტულ დიაგნოზებზე გადასახდელი ტარიფების დაანგარიშება რთული მეთოდოლოგიით ხდება. დღეს, სხვადასხვა სამედიცინო ჩარევის მიხედვით, 609 DRG კოდი გენერირდება. თითოეულ მათგანს თავისი წონა აქვს. სახელმწიფოს მიერ გადახდილ თანხას ის თანხა დავამატეთ, რასაც პაციენტებს ახდევინებდნენ და ის საბაზისო ტარიფი გამოვიყვანეთ, რომლის მიხედვითაც თითოეულ DRG-ზე თანხა ანაზღაურდება.
დღეს არსებულ ტარიფებში კლინიკების ნებისმიერი დამატებითი მომსახურებაც ასახული და შესულია. სისტემის შემოსვლის შემდეგ, კლინიკებს ვთხოვეთ, რომ პაციენტებისთვის დამატებითი გადასახადი არ დაეკისრებინათ“, - აღნიშნულის შესახებ ზურაბ აზარაშვილმა განაცხადა.
შეგახსენებთ, რომ სამედიცინო დაწესებულებებში, მომსახურების დიაგნოზთან შეჭიდული ჯგუფებით (DRG) დაფინანსების ახალი მოდელი გასულ წელს ამოქმედდა.
რეკლამა
ბოლო სიახლეები
რეგიონებში სამედიცინო ინფრასტრუქტურის განვითარება გრძელდება - ჯანდაცვის მინისტრი, ფოთსა და სენაკში, კლინიკების რეაბილიტაციის პროცესს გაეცნო
მიხეილ სარჯველაძემ, სამედიცინო სექტორის წარმომადგენლებთან ერთად, სისხლისა და მისი კომპონენტების შესახებ კანონი და დაგეგმილი ცვლილებები განიხილა
პირველადი ჯანდაცვის ხელმისაწვდომობა კიდევ უფრო იზრდება - სოფლებში ახალი ამბულატორიები იხსნება
ნარკომანიით დაავადებული პირებისთვის სავალდებულო მკურნალობისთვის განკუთვნილი პირველი სამედიცინო განყოფილება გაიხსნა
მიხეილ სარჯველაძე - ფსიქოტროპული მედიკამენტების იმპორტი-რეალიზაციისა და და ჩანაცვლებითი თერაპიის შესახებ