IgE - ანტისხეულები

საერთო IgE (იმუნოგლობულინი E) არის ანტისხეული, რომელიც მნიშვნელოვან როლს ასრულებს ორგანიზმის იმუნურ პასუხში, განსაკუთრებით ალერგიული რეაქციების დროს.

IgE-ს საერთო ტესტი ადგენს სისხლში IgE ანტისხეულების საერთო რაოდენობას, ხოლო IgE-ს სპეციფიკური ტესტი განსაზღვრავს, თუ რამდენ IgE-ს გამოიმუშავებს  ორგანიზმი კონკრეტული ალერგენის საპასუხოდ.

საერთო IgE -ის ფუნქცია

IgE ანტისხეულები  მნიშვნელოვან როლს თამაშობენ ალერგიულ რეაქციებში, ასევე ძირითადად მონაწილეობენ პარაზიტული ინფექციებისგან დაცვაში.

სისხლში საერთო IgE-ს დონის გაზომვა ხელს უწყობს ალერგიული მდგომარეობების იდენტიფიცირებას, თუმცა არ აკონკრეტებს, თუ რომელი ალერგენი იწვევს რეაქციას.

საერთო IgE-ს ნორმალური დონე განსხვავდება ასაკის მიხედით, მაგრამ, როგორც წესი, მოზრდილებში 100 სე/მლ-ზე ნაკლებია.

რა იწვევს  IgE-ს მატებას?
ალერგია (მაგალითად, ყვავილის მტვერი, მტვრის ტკიპები, შინაური ცხოველების ქერტლი და ა.შ)
პარაზიტული ინფექციები
ზოგიერთი აუტოიმუნური დაავადება
გარკვეული პირველადი იმუნოდეფიციტური მდგომარეობები
კანის დაავადებები, როგორიცაა ეგზემა.
სიმპტომები, რომელის დროსაც რეკომენდებულია IgE-ს განსაზღვრა:
მუდმივი ალერგია (ალერგიული სურდო, ბრონქული ასთმა, კვებითი ალერგია, ქრონიკული ურტიკარია, მედიკამენტური ალერგია, სეზონური მცენარეული ალერგია, ალერგია შინაურ ცხოელებზე, ალერგია მწერის ნაკბეზე, ალერგია ლატექსზე და სხვა);
აუხსნელი დერმატიტი ან კანზე გამონაყარი;
განმეორებადი სასუნთქი გზების პრობლემები
პარაზიტული ინფექციების არესბობაზე ეჭვი
შედეგების ინტერპრეტაცია

მაღალი საერთო IgE მიუთითებს ალერგიული რეაქციის ან სხვა დაკავშირებული მდგომარეობის შესაძლებლობაზე, მაგრამ სპეციფიკური ალერგენების დასადგენად საჭიროა დამატებითი ტესტები ( სისხლში სპეციფიკური IgE-ს განსაზღვრა, ან კანის სინჯები, ან მოლეკულური დიაგნოსტიკა).